Insani Shaoor Ka Irtaqa [ Nafsiyati aur Falsafiyana Mazameen ]

محترم قارئین!

اکیسویں صدی میں انسانیت ایک دوراہے پر کھڑی ہے۔ ایک راستہ تباہی و بربادی کی طرف اور دوسرا راستہ امن و آشتی کی طرف جاتا ہے۔ آج کے انسانوں کو انفرادی اور اجتماعی طور پر فیصلہ کرنا ہے کہ وہ کس راستے کا انتخاب کرتے ہیں۔ اگر انہوں نے تباہی و بربادی کا راستہ اپنایا تو وہ ایٹمی بموں اور دیگر مہلک ہتھیاروں سے اجتماعی خود کشی کر لیں گے اور اگر انہوں نے امن و آشتی کی راہ اپنائی تو وہ ارتقا کی اگلی منزل تک پہنچیں گے۔ اکثر انسان زندگی میں غلط فیصلے اپنی کم علمی جہالت اور تعصب کی وجہ سے کرتے ہیں۔ جوں جوں ہم جدید علوم سے آگاہ ہوں گئے چاہے وہ طب ہو یا سائنس، نفسیات ہو یا روحانیات کا سماجیات ہو یا معاشیات ہم اپنے لیے اور اگلی نسلوں کے لیے دانشمندانہ فیصلے کر سکیں گے اور اس کرہ ارض کو امن و آشتی کی آماجگاہ بنا سکیں گے۔ یہ کتاب اس خواب کو شرمندہ تعبیر کرنے کی طرف ایک عاجزانہ قدم ہے۔